Германиянинг “Вольфсбург” жамоасида тўп тепаётган ярим ҳимоячи Феликс Нмеча Англия Премьер-лигасининг топ-клубига ўтиши мумкин. Sport1 журналистлари хабарига кўра, футболчини "Манчестер Юнайтед" ўз сафига қўшиб олмоқчи.

“Қизил иблислар” вакиллари аллақачон футболчининг отаси билан эҳтимолий трансфер борасида музокара олиб боришган. “Юнайтед”дан ташқари “Боруссия Дортмунд” ҳам Нмечега қизиқиш билдирмоқда, улар уни Жуд Беллингемнинг ўрнига сотиб олмоқчи.

Германия чемпионатининг сўнгги мавсумида Феликс 30 та ўйинда қатнашиб, 3 та гол ва 5 та голли узатмага муаллифлик қилган.