"Lasio" yarim himoyachisi Sergey Milinkovich-Savich "Inter"ga kerak.

Serbiyalik futbolchining "Lasio" bilan amaldagi shartnomasi bir yildan so‘ng tugaydi, shu sababli, futbolchining bu yozda sotilishi ehtimoli katta.

Fcinter1908 nashri xabariga ko‘ra, "neradzurrilar" bosh murabbiyi Simone Indzagi 28 yoshli futbolchi bilan mumkin bo‘lgan hamkorlikni muhokama qilgan. Chempionlar ligasi finalchilarining ustozi Milinkovich-Savich bilan shartnoma imzolashni talab qilmoqda, yarim himoyachining o‘zi esa "Inter"ga o‘tishga tayyor, ammo milanliklar rahbariyati "Lasio" bilan muzokara olib borish nihoyatda qiyin bo‘ladi, deb hisoblamoqda.

Avvalroq, "Lasio" Sergey Milinkovich-Savichning sotuvidan 35 million yevroga yaqin daromad olmoqchi ekani xabar qilingandi.