"Лацио" ярим ҳимоячиси Сергей Милинкович-Савич "Интер"га керак.

Сербиялик футболчининг "Лацио" билан амалдаги шартномаси бир йилдан сўнг тугайди, шу сабабли, футболчининг бу ёзда сотилиши эҳтимоли катта.

Fcinter1908 нашри хабарига кўра, "нерадзуррилар" бош мураббийи Симоне Индзаги 28 ёшли футболчи билан мумкин бўлган ҳамкорликни муҳокама қилган. Чемпионлар лигаси финалчиларининг устози Милинкович-Савич билан шартнома имзолашни талаб қилмоқда, ярим ҳимоячининг ўзи эса "Интер"га ўтишга тайёр, аммо миланликлар раҳбарияти "Лацио" билан музокара олиб бориш ниҳоятда қийин бўлади, деб ҳисобламоқда.

Аввалроқ, "Лацио" Сергей Милинкович-Савичнинг сотувидан 35 миллион еврога яқин даромад олмоқчи экани хабар қилинганди.