Hujumchi Alvaro Morata Saudiya Arabistoniga ko‘chib o‘tish imkoniyatiga ega.

Marca xabariga ko‘ra, "Al-Taavun" 30 yoshli ispaniyalik futbolchiga mavsumiga 50 million yevro maosh bilan shartnoma taklif qilmoqda.

Manbaga ko‘ra, Morata yaqinda "Atletiko" bilan shartnomasini 2025/2026 yilgi mavsum oxirigacha uzaytirgan.

Taxminlarga ko‘ra, uni 10 million yevroga sotib olish imkoniyati mavjud. Shu bilan birga, "matraschilar" Alvaro bilan shartnoma uzaytirilgani haqida hali rasman e’lon qilishmagan.

2022/2023 yilgi mavsumda Alvaro Morata 45 ta o‘yinda maydonga tushdi. Ularda hujumchi 15 ta gol va sheriklariga 3 ta samarali uzatma berdi.