Ҳужумчи Альваро Мората Саудия Арабистонига кўчиб ўтиш имкониятига эга.
Marca хабарига кўра, "Ал-Таавун" 30 ёшли испаниялик футболчига мавсумига 50 миллион евро маош билан шартнома таклиф қилмоқда.
Манбага кўра, Мората яқинда "Атлетико" билан шартномасини 2025/2026 йилги мавсум охиригача узайтирган.
Тахминларга кўра, уни 10 миллион еврога сотиб олиш имконияти мавжуд. Шу билан бирга, "матрасчилар" Альваро билан шартнома узайтирилгани ҳақида ҳали расман эълон қилишмаган.
2022/2023 йилги мавсумда Альваро Мората 45 та ўйинда майдонга тушди. Уларда ҳужумчи 15 та гол ва шерикларига 3 та самарали узатма берди.
