"Manchester Yunayted" yarim himoyachi Meyson Maunt bo‘yicha "Chelsi"ga so‘nggi taklifni yuboradi, deb xabar beradi Mirror.
Manbaga ko‘ra, mankunianliklar londonliklarga 50 million funt taklif qilishadi. Klub buni o‘yinchi uchun "Chelsi" so‘ragan 70 million funtdan ko‘ra adolatliroq deb hisoblamoqda, chunki Mauntning shartnomasi kelasi yili tugaydi.
Avvalroq "Chelsi" 40 million funt sterlinglik taklifni rad etgani xabar qilingandi.
Maunt o‘tgan mavsumda jamoa safida barcha musobaqalarda 35 ta o‘yinda 3 ta gol urdi va 6 ta golli uzatmani amalga oshirdi.