"Манчестер Юнайтед" ярим ҳимоячи Мэйсон Маунт бўйича "Челси"га сўнгги таклифни юборади, деб хабар беради Mirror.
Манбага кўра, манкунианликлар лондонликларга 50 миллион фунт таклиф қилишади. Клуб буни ўйинчи учун "Челси" сўраган 70 миллион фунтдан кўра адолатлироқ деб ҳисобламоқда, чунки Маунтнинг шартномаси келаси йили тугайди.
Аввалроқ "Челси" 40 миллион фунт стерлинглик таклифни рад этгани хабар қилинганди.
Маунт ўтган мавсумда жамоа сафида барча мусобақаларда 35 та ўйинда 3 та гол урди ва 6 та голли узатмани амалга оширди.