"Inter" yarim himoyachisi Marselo Brozovich faoliyatini "An-Nasr"da davom ettirishi mumkin, deya xabar beradi insayder Janluka Di Marsio.
Manbaga ko‘ra, Saudiya klubi allaqachon yarim himoyachi uchun italiyaliklarga 15 million yevro taklif qilgan.
30 yoshli Brozovich 2015 yilning yanvarida “Inter”ga o‘tgan edi. Xorvatiyalikning milan klubi bilan shartnomasi 2026 yilgacha mo‘ljallangan.
2022/23 yilgi mavsumda u Italiya klubi safida 40 ta o‘yinda maydonga tushib, 3 ta gol urdi va 6 ta golli uzatmani amalga oshirdi.