"Интер" ярим ҳимоячиси Марсело Брозович фаолиятини "Ан-Наср"да давом эттириши мумкин, дея хабар беради инсайдер Жанлука Ди Марцио.
Манбага кўра, Саудия клуби аллақачон ярим ҳимоячи учун италияликларга 15 миллион евро таклиф қилган.
30 ёшли Брозович 2015 йилнинг январида “Интер”га ўтган эди. Хорватияликнинг милан клуби билан шартномаси 2026 йилгача мўлжалланган.
2022/23 йилги мавсумда у Италия клуби сафида 40 та ўйинда майдонга тушиб, 3 та гол урди ва 6 та голли узатмани амалга оширди.