"Milan"ning chap qanot himoyachisi Teo Ernandes Stefano Pioli jamoasini tark etish niyatida emas.
Eslatib o‘tamiz, avvalroq "Atletiko Madrid" fransiyalik futbolchini o‘z tarkibiga qaytarmoqchi ekani haqida xabarlar tarqalgan edi. Shuningdek, “rossonerilar” futbolchi uchun 80 million yevro talab qilishi xabar qilingandi.
Jurnalist Fabrisio Romano o‘zining ijtimoiy tarmoqlarida Ernandesning kelajakka oid rejalari o‘zgarmaganini ma’lum qildi. Futbolchi barcha taxminlarga qaramay, keyingi mavsumda "Milan"da qolmoqchi.
A Seriyadagi so‘nggi durangda Ernandes 4 ta gol va 3 ta golli uzatmani amalga oshirdi.
