“Torpedo”ning 20 yoshli o‘zbekistonlik yarim himoyachisi Xojimat Erkinov bir qancha klublar qiziqishlari doirasida turibdi. Futbolchini Minskning "Dinamo", "Paxtakor" va "Navbahor" klublari o‘z safiga qo‘shib olmoqchi.
“Erkinovda uchta variant bor, “Torpedo” uning qarorini kutmoqda, garchi u keyingi mavsumni oq-qora libosda o‘tkazishiga qarshi bo‘lmasa-da”, - deya xabar bermoqda Rossiyaning "Chempionat" nashri.
Rossiya Premyer-ligasining yakunlangan mavsumida Erkinov 20 ta uchrashuvda qatnashib, bitta golli uzatmani amalga oshirdi. Bundan tashqari, uning mamlakat kubogida to‘rtta uchrashuvi bor. Transfermarkt portali futbolchining narxini 500 000 yevroga baholamoqda.