“Торпедо”нинг 20 ёшли ўзбекистонлик ярим ҳимоячиси Хожимат Эркинов бир қанча клублар қизиқишлари доирасида турибди. Футболчини Минскнинг "Динамо", "Пахтакор" ва "Навбаҳор" клублари ўз сафига қўшиб олмоқчи.
“Эркиновда учта вариант бор, “Торпедо” унинг қарорини кутмоқда, гарчи у кейинги мавсумни оқ-қора либосда ўтказишига қарши бўлмаса-да”, - дея хабар бермоқда Россиянинг "Чемпионат" нашри.
Россия Премьер-лигасининг якунланган мавсумида Эркинов 20 та учрашувда қатнашиб, битта голли узатмани амалга оширди. Бундан ташқари, унинг мамлакат кубогида тўртта учрашуви бор. Transfermarkt портали футболчининг нархини 500 000 еврога баҳоламоқда.
