Xitoyning Usi shahrida qilichbozlik bo‘yicha qit’a birinchiligi yakunlandi. Mazkur musobaqada O‘zbekiston terma jamoasi 1 ta oltin medalga sazovor bo‘ldi.

Ayollar o‘rtasida sablya qurolida kechgan bellashuvlarda barcha raqiblarini mag‘lub etgan Zaynab Dayibekova kattalar o‘rtasidagi qit’a birinchiligida ilk g‘alabasini tantana qildi. Boshqa yo‘nalishlarda esa sportchilarimiz shohsupagacha yetib bora olishmadi.

O‘zbekiston delegasiyasi medallar jadvalida 6-pog‘onani egalladi. Kuchli uchlikni esa Yaponiya (4-1-4), Janubiy Koreya (3-5-4) va Xitoy (2-3-6) egallashdi. Terma jamoamiz ertaga Toshkentga qaytib keladi.