Germaniya terma jamoasi yulduzi Kay Xavers o‘z jamoasini o‘zgartirmoqda. "Chelsi" va "Arsenal" futbolchi borasida 65 million funtlik kelishuvga erishgan edi. 24 yoshli o‘yinchi tez orada Londonning boshqa jamoasi uchun tibbiy ko‘rikdan o‘tadi. Uning "Arsenal"dagi bitimi haftasiga 200 ming funt maoshni ko‘zda tutadi. Bu esa Xaversga mashinalar-kolleksiyasini ko‘paytirishga imkon beradi. Quyida hujumchi tomonidan allaqachon xarid qilingan motorlar haqida bilib olasiz.
"Audi Q7", narxi – 63,575 funt
Kay Xavers ilk bor Angliyaga kelganida "Q7" sotib olgan edi. Bu turdagi avto "Barselona" afsonalari Messi va Suaresning sevimli matohidir. Ular ham "Q7"dan sotib olishgan. 4 litrli V8 motori bilan jihozlangan mashina tepaliklarga chiqish uchun o‘ta qulay sanaladi. U o‘z tezligini 5.9 soniya ichida 62 kilometrgacha yetkaza oladi.
"BMW X5", narxi – 66,230 funt
Nemis ishlab chiqaruvchilarini sevadigan Xavers yana bir mashinasini aynan olmon kompaniyasidan xarid qilgan –"BMW" 4×4. X5 mashg‘ulotlardan qaytish uchun mos keladi. Qolaversa, uning tezligi "Audi"nikidan ancha yaxshi. Avto 62 kilometr/soat tezlik olish uchun minimum, 3.9 soniya sarf etadi. Dunyo yulduzlaridan Ronaldu, Runi va Xabi Alonsolar ham aynan shu turdagi mashinaning shaydosidir.
"Range Rover Sport", narxi – 82 ming funt
Har qanday talablarga mos keladigan qurilma, futbol yulduzlarining sevimli avtosidir. Xavers "Range Rover"dan lyuks sharoiti borligi uchun foydalanadi. 82 ming funtdan boshlanib, pozisiyalariga ko‘ra 100 ming funtgacha baholanadigan mashina, yaxshi tezlanishga ega (62/3.9).
"Mercedes-Benz AMG G63", narxi – 127,870 funt
G Wagon boylik va obro‘ ramzi sifatida gavdalanadi. G63'larning ikkita g‘altakli turboo‘toldirgichi bo‘lib, 4.0 litrli V8 motorga ega. Bu esa mashinani 577 ot kuchiga ega qiladi. Xavers bu avtosini asosan ta’til paytlarida minadi. Demak, hozir "MERCEDES" vaqti keldi.
ISMATOV J.
