Braziliya terma jamoasi va "PSJ" klubi hujumchisi Neymar katta miqdorda jarimaga tortilishi mumkin. Bu haqda Lequipe nashri xabar bermoqda.
Manba ma’lum qilishicha, ekologik qoidabuzarlik tufayli futbolchiga katta miqdorda moliyaviy jazo tahdid solmoqda. Neymarning Rio-de-Janeyrodagi qasrida jiddiy qoidabuzarliklar bilan birga ish olib borildi. Ishchilar sun’iy ko‘lni ta’minlash uchun daryodan ruxsatsiz suv olib, suv oqimini boshqa tomonga burganlikda ayblanmoqda. Bundan tashqari, plyaj qumi noqonuniy ravishda ishlatilgan.
Jarima miqdori taxminan bir million yevroni tashkil qiladi.
