Бразилия терма жамоаси ва "ПСЖ" клуби ҳужумчиси Неймар катта миқдорда жаримага тортилиши мумкин. Бу ҳақда Lequipe нашри хабар бермоқда.

Манба маълум қилишича, экологик қоидабузарлик туфайли футболчига катта миқдорда молиявий жазо таҳдид солмоқда. Неймарнинг Рио-де-Жанейродаги қасрида жиддий қоидабузарликлар билан бирга иш олиб борилди. Ишчилар сунъий кўлни таъминлаш учун дарёдан рухсатсиз сув олиб, сув оқимини бошқа томонга бурганликда айбланмоқда. Бундан ташқари, пляж қуми ноқонуний равишда ишлатилган.

Жарима миқдори тахминан бир миллион еврони ташкил қилади.