"Manchester Yunayted" "Chelsi" yarim himoyachisi Meyson Maunt uchun 55 million funt sterlingdan (63,8 million yevro) ko‘proq taklif qiladi.
Fabrisio Romanoning so‘zlariga ko‘ra, ingliz klubi futbolchi uchun uchinchi rasmiy taklif bilan chiqadi. Bu oxirgi haftalarda rad etilgan ikkita taklifdan so‘ng oxirgi taklif bo‘ladi. "Manchester Yunayted" futbolchi bilan shaxsiy shartnoma shartlarini allaqachon kelishib olgan.
“Chelsi” avvalroq “Manchester Yunayted”ning 40 million funt va 45 million funt sterling + 5 million yevrolik ikki taklifini rad etgan edi. London klubi 24 yoshli yarim himoyachi uchun 60+5 million funt talab qilmoqda.
Maunt o‘tgan mavsumda jamoa safida barcha musobaqalarda 35 ta o‘yinda 3 ta gol urdi va 6 ta golli uzatmani amalga oshirdi. Futbolchining "Chelsi" bilan shartnomasi 2024 yilning yozida yakuniga etadi. Transfermarkt portali futbolchining narxini 60 million yevroga baholamoqda.