"Манчестер Юнайтед" "Челси" ярим ҳимоячиси Мэйсон Маунт учун 55 миллион фунт стерлингдан (63,8 миллион евро) кўпроқ таклиф қилади.
Фабрицио Романонинг сўзларига кўра, инглиз клуби футболчи учун учинчи расмий таклиф билан чиқади. Бу охирги ҳафталарда рад этилган иккита таклифдан сўнг охирги таклиф бўлади. "Манчестер Юнайтед" футболчи билан шахсий шартнома шартларини аллақачон келишиб олган.
“Челси” аввалроқ “Манчестер Юнайтед”нинг 40 миллион фунт ва 45 миллион фунт стерлинг + 5 миллион евролик икки таклифини рад этган эди. Лондон клуби 24 ёшли ярим ҳимоячи учун 60+5 миллион фунт талаб қилмоқда.
Маунт ўтган мавсумда жамоа сафида барча мусобақаларда 35 та ўйинда 3 та гол урди ва 6 та голли узатмани амалга оширди. Футболчининг "Челси" билан шартномаси 2024 йилнинг ёзида якунига этади. Transfermarkt портали футболчининг нархини 60 миллион еврога баҳоламоқда.