"Chelsi" yana bir bor yarim himoyachi Meyson Mauntni "Manchester Yunayted"ga sotishdan bosh tortdi, deya xabar beradi jurnalist Fabrisio Romano.
London klubi "qizil iblislar"ning 24 yoshli angliyalik uchun uchinchi taklifini rad etdi. "Chelsi"ni kelishuv summasi qanoatlantirmayapti, jamoa qarshi taklif bilan chiqdi, unga ko‘ra "MYU" futbolchi uchun zudlik bilan 58 million funt, yarim himoyachi ma’lum statistik ko‘rsatkichlarga erishsa, yana 7 million funt bonus to‘lashi kerak bo‘ladi.
“Ko‘klar” “Manchester Yunayted” vakillari bilan yuzma-yuz uchrashuv o‘tkazib, transferni batafsil muhokama qilishni va barcha tomonlarga mos keladigan qarorga kelishni taklif qilishdi.