"Челси" яна бир бор ярим ҳимоячи Мэйсон Маунтни "Манчестер Юнайтед"га сотишдан бош тортди, дея хабар беради журналист Фабрицио Романо.
Лондон клуби "қизил иблислар"нинг 24 ёшли англиялик учун учинчи таклифини рад этди. "Челси"ни келишув суммаси қаноатлантирмаяпти, жамоа қарши таклиф билан чиқди, унга кўра "МЮ" футболчи учун зудлик билан 58 миллион фунт, ярим ҳимоячи маълум статистик кўрсаткичларга эришса, яна 7 миллион фунт бонус тўлаши керак бўлади.
“Кўклар” “Манчестер Юнайтед” вакиллари билан юзма-юз учрашув ўтказиб, трансферни батафсил муҳокама қилишни ва барча томонларга мос келадиган қарорга келишни таклиф қилишди.