Saudiya Arabistonining “Al-Hilol” klubi “Manchester Siti” yarim himoyachisi Bernardu Silvaga qiziqish bildirmoqda, deya xabar beradi CBC Sport jurnalisti Ben Jeykobs.
Manbaga ko‘ra, “Al-Hilol” futbolchiga bonuslarni hisobga olmaganda yiliga 40 million funt (46,8 million yevro) maosh oladigan shartnoma taklif qilishga tayyor. "Siti" 28 yoshli futbolchi bilan shartnomani uzaytirmoqchi. Silvaning o‘zi hali kelajagi haqida bir qarorga kelgani yo‘q.
Oldinroq yarim himoyachiga "PSJ" va "Barselona" klublari qiziqish bildirayotgani xabar qilingandi.
2022/23 yilgi mavsumda Silva 54 ta o‘yin o‘tkazib, 7 ta gol urdi va 6 ta golli uzatmani amalga oshirdi. Uning shartnomasi 2025 yilning yoziga qadar mo‘ljallangan. Transfermarkt portali futbolchining narxini 80 million yevroga baholamoqda.