Саудия Арабистонининг “Ал-Ҳилол” клуби “Манчестер Сити” ярим ҳимоячиси Бернарду Силвага қизиқиш билдирмоқда, дея хабар беради CBC Sport журналисти Бен Жейкобс.
Манбага кўра, “Ал-Ҳилол” футболчига бонусларни ҳисобга олмаганда йилига 40 миллион фунт (46,8 миллион евро) маош оладиган шартнома таклиф қилишга тайёр. "Сити" 28 ёшли футболчи билан шартномани узайтирмоқчи. Силванинг ўзи ҳали келажаги ҳақида бир қарорга келгани йўқ.
Олдинроқ ярим ҳимоячига "ПСЖ" ва "Барселона" клублари қизиқиш билдираётгани хабар қилинганди.
2022/23 йилги мавсумда Силва 54 та ўйин ўтказиб, 7 та гол урди ва 6 та голли узатмани амалга оширди. Унинг шартномаси 2025 йилнинг ёзига қадар мўлжалланган. Transfermarkt портали футболчининг нархини 80 миллион еврога баҳоламоқда.