"Selta" himoyachisi Xavi Galan Madridning "Atletiko" jamoasiga o‘tishi mumkin.
Marca xabariga ko‘ra, "matraschilar" 28 yoshli ispaniyalikni yaqin vaqt ichida transfer qilmoqchi. Qayd etilishicha, so‘nggi kunlarda tomonlar kelishuvga yaqinlashib qolgan.
Manbaning xabar berishicha, “Selta” Galan uchun 18 million yevro olmoqchi bo‘lgan, ammo hozir klub o‘z futbolchisini 12-15 million yevroga qo‘yib yuborishga tayyor.
Galan o‘tgan mavsumda barcha turnirlarda 40 ta o‘yinda maydonga tushib, 1 ta gol va 4 ta golli uzatmani amalga oshirdi. Futbolchining "Selta" bilan shartnomasi 2026 yilgacha mo‘ljallangan.
