"Сельта" ҳимоячиси Хави Галан Мадриднинг "Атлетико" жамоасига ўтиши мумкин.
Marca хабарига кўра, "матрасчилар" 28 ёшли испанияликни яқин вақт ичида трансфер қилмоқчи. Қайд этилишича, сўнгги кунларда томонлар келишувга яқинлашиб қолган.
Манбанинг хабар беришича, “Сельта” Галан учун 18 миллион евро олмоқчи бўлган, аммо ҳозир клуб ўз футболчисини 12-15 миллион еврога қўйиб юборишга тайёр.
Галан ўтган мавсумда барча турнирларда 40 та ўйинда майдонга тушиб, 1 та гол ва 4 та голли узатмани амалга оширди. Футболчининг "Сельта" билан шартномаси 2026 йилгача мўлжалланган.
