Saudiyaning "Al-Hilol" futbol klubi "Lester"da 2015/2016 yilgi mavsumda Premyer-liganing chempioni, hozirda "Everton" hujumchisi Demaray Greyni sotib olmoqchi. Sky Sports xabariga ko‘ra, Ar-Riyod shahri klubi delegasiyasi kelasi hafta muzokaralar o‘tkazish uchun Londonga kelishi kerak.
26 yoshli Greyning "irislar" bilan shartnomasi 2024 yilning yoziga qadar amal qiladi. Transfermarkt portali futbolchini 20 million yevroga baholamoqda.
Grey 2016 yilning qishidan 2021 yilning yanvarigacha "Lester" safida to‘p tepgan. 2015/2016 yilgi mavsumda "tulkilar"ning g‘alabali mavsumida u Premyer-ligada 12 ta o‘yin o‘tkazdi va bitta golli uzatmani amalga oshirdi.