Саудиянинг "Ал-Ҳилол" футбол клуби "Лестер"да 2015/2016 йилги мавсумда Премьер-лиганинг чемпиони, ҳозирда "Эвертон" ҳужумчиси Демарай Грейни сотиб олмоқчи. Sky Sports хабарига кўра, Ар-Риёд шаҳри клуби делегацияси келаси ҳафта музокаралар ўтказиш учун Лондонга келиши керак.
26 ёшли Грейнинг "ирислар" билан шартномаси 2024 йилнинг ёзига қадар амал қилади. Transfermarkt портали футболчини 20 миллион еврога баҳоламоқда.
Грей 2016 йилнинг қишидан 2021 йилнинг январигача "Лестер" сафида тўп тепган. 2015/2016 йилги мавсумда "тулкилар"нинг ғалабали мавсумида у Премьер-лигада 12 та ўйин ўтказди ва битта голли узатмани амалга оширди.