Angliya Premyer-ligasidagi eng yomon transferlar qaysi ekanligi ma’lum bo‘ldi. Sun’iy ong bunda bizga yordam beradi. Maxsus algoritm asosida ishlaydigan dastur futbolchilarni turlicha kategoriyalar asosida baholab chiqdi va ular ichidan eng yomon o‘ntasini tanlab oldi. Omadsiz xaridlar sarflangan pul, harakat qilingan davr, qoldirilgan taassurot, shaxsiy talant va ko‘rsatilgan natijalarga qarab belgilandi. Quyida ularning kimligiga e’tibor beramiz.

"Arsenal"ning rekord xaridi bo‘lgan Nikolya Pepe 2019 yilda 72 million evaziga "Lill"dan olib kelinadi. U jami 116 ta o‘yinda 16 tagina golga mualliflik qildi. O‘tgan mavsum hujumchi uchun "Nissa"da ijara asosida kechgan edi.
Ro‘yxatdan ikkita ingliz futbolchisi ham joy olgan: Endi Keroll va Denni Drinkuoter. Xususan Kerollning "Liverpul"ga ko‘chishi o‘ta omadsiz bo‘lgandi. Hujumchi mersisaydliklar safida 44 ta o‘yin o‘tkazib, 6 tagina gol urgan xolos. U "Vest Xem"ga yo‘l olib, u yerda 7 yil faoliyat yuritadi.
Ikkinchi qahramonimiz Drinkuoter esa "Chelsi" tomonidan 35 million funtga olib kelingandi. Afsuski, yarim himoyachi londonliklar bilan faqat 23 ta o‘yinda qatnashib, qolgan vaqtini ijaralarda o‘tkazdi.
O‘ntalik ro‘yxatdan "Chelsi"ning boshqa transferlari ham o‘rin olgan. Masalan, Fernando Torres. U 2011 yilda "Liverpul"dan olib kelinadi. Keyingi nom Vinston Bogarde. U 4 yil "Chelsi" bilan bo‘lib, atigi 12 ta o‘yinda jamoaga yordam bergan.

Yaqindagina "Chelsi"dan ketgan Tyemoe Bakayoko ham omadsiz yurishlardan biri. U bir paytlar ne umidlar bilan 40 millionga sotib olinadi.
"MYU"ning Pol Pogba ishi ham omadsiz xaridlar ichida keladi. Pogba 4 yildan keyin klubni erkin agent sifatida tark etgandi. Shuningdek, "qizil iblislar"ning Aleksis Sanches va Xuan Veron xaridlari ham ro‘yxatda keltirilgan. Qolaversa, "Sautgempton"ning Ali Diani sotib olishi ham omadsizlar ichida zikr etilgan. Shu bilan kuchli o‘nlik tugaydi.

ISMATOV J.