Turinning "Yuventus" klubi himoyachisi Daniele Rugani tez orada Italiya chempionatidan boshqa jamoaga o‘tishi mumkin. Tuttosport xabariga ko‘ra, italiyalik futbolchi "Fiorentina"ga o‘tishi mumkin.
"Yuventus" bilan shartnomasi tugashiga bir yil qolgan markaziy himoyachiga Vinchenso Italyano jamoasi chindan ham qiziqish bildirmoqda. "Keksa sinyora" futbolchini qo‘yib yuborishga tayyor.
28 yoshli Rugani Italiya A seriyasining so‘nggi mavsumida 9 ta o‘yin o‘tkazdi. Himoyachi hozirda "Yuventus" bosh murabbiyi Massimiliano Allegrining rejalariga kiritilmagan.