Tez orada "Yuventus"ning Yevropadagi kelajagi bo‘yicha qaror qabul qilinadi. Mish-mishlarga ko‘ra, hukm "byankonerlar"ni xursand qilmaydi.

Gazzetta dello Sport nashri xabariga ko‘ra, turinliklar bir mavsumga yevrokuboklardan chetlatilishi mumkin, bu esa kelasi mavsumda Konferensiyalar ligasida ishtirok etishning imkoni yo‘qligini anglatadi.

Eslatib o‘tamiz, "Yuventus" moliyaviy qoidabuzarliklardan so‘ng A Seriya turnir jadvalida 10 ochko yo‘qotdi, shu sababli "keksa sinyora" so‘nggi mavsumda yettinchi o‘rinni egalladi. Agar bu qaror bo‘lmaganida, "byankonerlar" mavsum yakuniga ko‘ra Chempionlar Ligasi zonasida qolishi mumkin edi.