Тез орада "Ювентус"нинг Европадаги келажаги бўйича қарор қабул қилинади. Миш-мишларга кўра, ҳукм "бьянконерлар"ни хурсанд қилмайди.
Gazzetta dello Sport нашри хабарига кўра, туринликлар бир мавсумга еврокубоклардан четлатилиши мумкин, бу эса келаси мавсумда Конференциялар лигасида иштирок этишнинг имкони йўқлигини англатади.
Эслатиб ўтамиз, "Ювентус" молиявий қоидабузарликлардан сўнг А Серия турнир жадвалида 10 очко йўқотди, шу сабабли "кекса синьора" сўнгги мавсумда еттинчи ўринни эгаллади. Агар бу қарор бўлмаганида, "бьянконерлар" мавсум якунига кўра Чемпионлар Лигаси зонасида қолиши мумкин эди.
