Ispaniyalik himoyachi Serxio Ramos vataniga qaytishi mumkin. Cadena Ser jurnalistlariga ma’lum bo‘lishicha, erkin agent hisoblangan 37 yoshli futbolchi "Sevilya"ga o‘tib, faoliyatini shu yerda yakunlamoqchi.
Serxio Andalusiya klubi tarbiyalanuvchisi hisoblanadi. U 2005 yilda jamoani tark etib, "Real"ga o‘tdi.
O‘z navbatida "Sevilya" ham shogirdining qaytish istagiga hozircha munosabat bildirgani yo‘q. Klub bu kelishuv ular uchun foydali bo‘lishiga shubha qilmoqda.
Ramos o‘tgan mavsumda "PSJ"da o‘ynagan edi. Himoyachi Liga 1'da 33 ta o‘yinda maydonga tushib, 2 ta gol urdi va bitta golli uzatmani amalga oshirdi.
