“Nyukasl Yunayted” bosh murabbiyi Eddi Xau “Milan”dan inglizlar jamoasi safiga kelib qo‘shilgan italiyalik yarim himoyachi Sandro Tonalining transferi haqida fikr bildirdi.
“Sandroni “Nyukasl”da kutib olganimdan xursandman. U ajoyib iste’dod egasi. Tonalining ruhiyati, jismoniy va texnik fazilatlari jamoamiz uchun juda mos keladi.
23 yoshida Sandro Yevropaning eng yaxshi chempionatlaridan birida va Chempionlar ligasida o‘ynash, shuningdek, o‘z milliy jamoasida harakat qilishda katta tajribaga ega.
Tonalida biz bilan birga o‘sish va rivojlanish imkoniyati va salohiyati bor va men uni kelgusi mavsum oldidan jamoamizga jalb qilganimdan xursandman", – dedi Xau.