La Gazette Dello Sport nashri xabariga ko‘ra, "Yuventus" maoshni tushirish va transfer byudjetini oshirish maqsadida bir qancha futbolchilarni sotishni rejalashtirmoqda.

Manbaga ko‘ra, "byankonerilar" yangi futbolchilarni qo‘lga kiritish uchun, albatta, bir nechta o‘yinchilardan qutulishi kerak.

"Yuventus" ijaradan qaytgan yarim himoyachilar Artur, Ueston Makkenni va Denis Zakariyani sotishni ko‘rib chiqmoqda. Bu futbolchilar uchun klub taxminan 50 million yevro olmoqchi. Klub, shuningdek, darvozabon Voysex Shensni va himoyachi Aleks Sandroni ham sotishi mumkin.

2022/23 yilgi mavsumda "Yuventus" Italiya chempionatida yettinchi o‘rinni egalladi.