La Gazette Dello Sport нашри хабарига кўра, "Ювентус" маошни тушириш ва трансфер бюджетини ошириш мақсадида бир қанча футболчиларни сотишни режалаштирмоқда.
Манбага кўра, "бьянконерилар" янги футболчиларни қўлга киритиш учун, албатта, бир нечта ўйинчилардан қутулиши керак.
"Ювентус" ижарадан қайтган ярим ҳимоячилар Артур, Уэстон Маккенни ва Денис Закарияни сотишни кўриб чиқмоқда. Бу футболчилар учун клуб тахминан 50 миллион евро олмоқчи. Клуб, шунингдек, дарвозабон Войцех Шенсни ва ҳимоячи Алекс Сандрони ҳам сотиши мумкин.
2022/23 йилги мавсумда "Ювентус" Италия чемпионатида еттинчи ўринни эгаллади.
