"Barselona" futbolchisi Aleks Kolyado faoliyatini Turkiya chempionatida davom ettirishi mumkin.

Kataloniya klubi moliyaviy qiyinchiliklar tufayli o‘z tarkibini qisqartirishga majbur, 24 yoshli futbolchi esa klub xayrlashmoqchi bo‘lganlardan biri. Mundo Deportivo xabariga ko‘ra, Turkiyaning "Beshiktosh" va "Antalyaspor" klublari Kolyado bo‘yicha takliflar berishga tayyor. Ma’lum bo‘lishicha, "ko‘k-anorranglilar" ustozi Xavi Ernandes yangi mavsumda ispaniyalik vingerni rejalariga kiritmagan.

Aleks Kolyado 2010 yildan buyon “Barselona” tizimida to‘p tepadi, biroq asosiy jamoa tarkibida bor-yo‘g‘i ikkita o‘yin o‘tkazgan. Transfermarkt ma’lumotlariga ko‘ra, futbolchining transfer qiymati 3 million yevroni tashkil qiladi.