"Барселона" футболчиси Алекс Кольядо фаолиятини Туркия чемпионатида давом эттириши мумкин.

Каталония клуби молиявий қийинчиликлар туфайли ўз таркибини қисқартиришга мажбур, 24 ёшли футболчи эса клуб хайрлашмоқчи бўлганлардан бири. Mundo Deportivo хабарига кўра, Туркиянинг "Бешиктош" ва "Анталяспор" клублари Кольядо бўйича таклифлар беришга тайёр. Маълум бўлишича, "кўк-анорранглилар" устози Хави Эрнандес янги мавсумда испаниялик вингерни режаларига киритмаган.

Алекс Кольядо 2010 йилдан буён “Барселона” тизимида тўп тепади, бироқ асосий жамоа таркибида бор-йўғи иккита ўйин ўтказган. Transfermarkt маълумотларига кўра, футболчининг трансфер қиймати 3 миллион еврони ташкил қилади.