Germaniyaning "Leypsig" klubi Londonning "Chelsi" klubiga o‘tgan Kristofer Nkunku o‘rniga hujumchi izlashda davom etmoqda.

Jurnalist Santi Auna xabariga ko‘ra, "Leypsig" "Lans" hujumchisi Lui Openda uchun to‘rtinchi transfer taklifini yuborgan.

Manbaga ko‘ra, "Leypsig"ning taklifi 43 million yevroga yetgan. "Lans" ma’lum miqdorni bonuslar ko‘rinishida ham olishi mumkin, ammo aniq raqamlar va tafsilotlar noma’lumligicha qolmoqda.

Eslatib o‘tamiz, Openda "Lans" uchun Fransiya chempionatida bir mavsum o‘tkazgan va u yerda 38 uchrashuvda 21 gol urgan.