Madridning “Atletiko” klubi “Tottenxem” yarim himoyachisi Pyer-Emil Xyoybyerg bilan shartnoma imzolash ustida ishlamoqda.

Daniyalik o‘tgan oydan buyon "matraschilar"ning nishonida turibdi. Sky Sports xabariga ko‘ra, ayni damda klublar potensial transfer shartlari bo‘yicha muzokaralar olib bormoqda. 27 yoshli futbolchining o‘zi transferni ma’qullaydi, chunki uni yangi chaqiruv qiziqtiradi.

Transfermarkt ma’lumotlariga ko‘ra Pyer-Emilning transfer narxi 45 mln yevroni tashkil qiladi. Yarim himoyachi "shporlar" safida barcha musobaqalarda 145 ta o‘yin o‘tkazib, 10 ta gol va 16 ta golli uzatmani amalga oshirgan.