Мадриднинг “Атлетико” клуби “Тоттенхэм” ярим ҳимоячиси Пьер-Эмиль Хёйбьерг билан шартнома имзолаш устида ишламоқда.
Даниялик ўтган ойдан буён "матрасчилар"нинг нишонида турибди. Sky Sports хабарига кўра, айни дамда клублар потенциал трансфер шартлари бўйича музокаралар олиб бормоқда. 27 ёшли футболчининг ўзи трансферни маъқуллайди, чунки уни янги чақирув қизиқтиради.
Transfermarkt маълумотларига кўра Пьер-Эмилнинг трансфер нархи 45 млн еврони ташкил қилади. Ярим ҳимоячи "шпорлар" сафида барча мусобақаларда 145 та ўйин ўтказиб, 10 та гол ва 16 та голли узатмани амалга оширган.
