Myunxenning “Bavariya” klubida to‘p tepayotgan senegallik vinger Sadio Mane Saudiya Arabistoni chempionatiga ko‘chib o‘tishi mumkin. Insayder Nikolo Skiraning so‘zlariga ko‘ra, "Al-Ahli" afrikalik futbolchiga qiziqish bildirmoqda.
Saudiya klubi rahbariyati Manega yillik 20 million yevro maosh bilan 3 yillik mehnat shartnomasi taklif qildi.
Eslatib o‘tamiz, joriy yilning yozida "Al-Ahli" safiga hujumchi Roberto Firmino va darvozabon Eduar Mendi qo‘shilgan edi.
Mane o‘tgan yozda "Liverpul"dan "Bavariya"ga o‘tgan edi. Nemis grandi uchun Sadio 38 ta o‘yin o‘tkazib, 12 ta gol va 6 ta golli uzatmani amalga oshirgan.