Мюнхеннинг “Бавария” клубида тўп тепаётган сенегаллик вингер Садио Мане Саудия Арабистони чемпионатига кўчиб ўтиши мумкин. Инсайдер Николо Скиранинг сўзларига кўра, "Ал-Аҳли" африкалик футболчига қизиқиш билдирмоқда.
Саудия клуби раҳбарияти Манега йиллик 20 миллион евро маош билан 3 йиллик меҳнат шартномаси таклиф қилди.
Эслатиб ўтамиз, жорий йилнинг ёзида "Ал-Аҳли" сафига ҳужумчи Роберто Фирмино ва дарвозабон Эдуар Менди қўшилган эди.
Мане ўтган ёзда "Ливерпуль"дан "Бавария"га ўтган эди. Немис гранди учун Садио 38 та ўйин ўтказиб, 12 та гол ва 6 та голли узатмани амалга оширган.
