"Arsenal" himoyachisi Vilyam Saliba "kanonirlar" bilan yangi mehnat shartnomasini imzolaganidan keyin klub matbuot xizmatiga qisqa fikrlarini bildirdi.
“Hozir kuboklarga juda ochman. Umid qilamanki, yangi mavsumda jarohatlarsiz o‘ynayman, mavsumni to‘liq o‘tkazmoqchiman. "Arsenal" futbolkasida yana futbol maydoniga chiqishimni intiqlik bilan kutaman, - deya futbolchining so‘zlarini keltiradi London klubi matbuot xizmati.
Salibaning "kanonirlar" bilan tuzgan yangi mehnat shartnomasi 2027 yilning o‘rtalariga qadar tuzilgan. Himoyachining maoshi mavsumiga 11,5 million yevroni tashkil qiladi.
