"Арсенал" ҳимоячиси Вильям Салиба "канонирлар" билан янги меҳнат шартномасини имзолаганидан кейин клуб матбуот хизматига қисқа фикрларини билдирди.
“Ҳозир кубокларга жуда очман. Умид қиламанки, янги мавсумда жароҳатларсиз ўйнайман, мавсумни тўлиқ ўтказмоқчиман. "Арсенал" футболкасида яна футбол майдонига чиқишимни интиқлик билан кутаман, - дея футболчининг сўзларини келтиради Лондон клуби матбуот хизмати.
Салибанинг "канонирлар" билан тузган янги меҳнат шартномаси 2027 йилнинг ўрталарига қадар тузилган. Ҳимоячининг маоши мавсумига 11,5 миллион еврони ташкил қилади.
