Fabrisio Romano "PSJ" va Kilian Mbappe o‘rtasidagi munosabatlarga oydinlik kiritdi. U shunday deydi:
"Nosir Al-Xelayfining Mbappe borasida bildirgan keskin fikrlaridan keyin har ikki tomon uchun muzokaralar stoliga o‘tirish juda ham muhim omil sanaladi. Ayni damda Parij klubi hujumchi narxi borasida aniq bir qarorga kelmadi. 14 kunlik muddat qo‘yilganidan hammaning xabari bor. Mbappe yangi bitim tuzmasa, xaridorlar taklifini ko‘rib chiqish boshlanadi. "Real" esa vaziyatni jiddiy kuzatayotganiga qaramasdan, sukut saqlashni afzal ko‘rdi".
