"Bayer" yarim himoyachisi Granit Jaka "Arsenal"ni tark etishini tushuntirdi.
“Hamma joyda xotinim Angliyada baxtli emasligi haqida mish-mishlar tarqaldi. Bu umuman haqiqatga to‘g‘ri kelmaydi.
Gap shundaki, men inson sifatida doim yangi chaqiriqlarga qiziqaman. Yetti yildan keyin butunlay yangi narsalarni sinab ko‘rishning vaqti kelgandi.
Liga yangi emas, lekin klub yangi. Muzokaralar davomida men Leverkuzendagi uzoq muddatli loyiha mantiqiy ekanini va u menga 100 foiz mos kelishini his qildim", - deya futbolchining so‘zlarini keltiradi Sky Sports.
30 yoshli futbolchi bilan 2028 yilgacha mo‘ljallangan shartnoma imzolangan. Oldinroq "Bayer" uning uchun 25 million yevro to‘lagani haqida xabarlar tarqalgan edi.
Jaka "Arsenal"da 2016 yildan beri o‘ynab kelmoqda. U “kanonirlar” safida 297 ta o‘yinda maydonga tushib, 23 ta gol urdi va 29 ta golli uzatmani amalga oshirdi.
