"Benfika" yozda Joau Feliksni qo‘lga kiritishga umid qilmoqda.
Noticias ao Minuto nashrining Record nashriga tayanib xabar berishicha, "Atletiko" bilan kelishuvga erishish qiyin bo‘ladi, ammo Portugaliya jamoasi prezidenti Rui Kosta vingerni qaytarish rejasini ishlab chiqqan.
"Benfika" transfer oynasi yopilgunga qadar Feliksni ijaraga olishga urinib ko‘rmoqchi, Madrid klubida hozircha boshqa imkoniyatlari yo‘q.
23 yoshli futbolchi 2019 yilda tark etgan jamoasida yana o‘ynashga tayyor. U portugal klubidan o‘z karyerasi uchun tramplin sifatida foydalanishi mumkinligiga ishonadi.
Oldinroq Feliks Chempionlar ligasida ishtirok etmaydigan klubga o‘tishni istisno qilgani va Premyer-ligadan bo‘lgan bir nechta takliflardan voz kechgani haqida xabar berilgandi.