Turkiyaning “Samsunspor” klubi “Atletiko Mineyro” hujumchisi Xalkni sotib olmoqchi. Bu haqda jurnalist Yagiz Sabuncho‘g‘li ma’lum qildi.
Manbaga ko‘ra, “Samsunspor” Xalkni sotib olish imkoniyatiga oydinlik kiritish maqsadida Braziliya klubiga murojaat qilgan.
36 yoshli Xalk 2021 yilning fevralidan buyon “Atletiko”da o‘ynamoqda.
Joriy mavsumda Xalk 35 ta o‘yinda 21 ta gol urdi va 5 ta golli uzatmani amalga oshirdi. Hujumchining “Atletiko” bilan shartnomasi 2024 yilning dekabrigacha amal qiladi. Transfermarkt uni 2,5 million yevroga baholagan.
O‘tgan mavsumda “Samsunspor” Turkiya chempionatining ikkinchi divizionida g‘olib chiqqandi.
