Madridning “Real” klubi yarim himoyachisi Toni Kroos madridliklar jamoasining raqib va maydondagi vaziyatga qarab taktik moslashuvchanligi haqida gapirdi.
"Biz turli yo‘llar bilan raqibga moslasha olamiz. Men to‘pga ega bo‘lishni va maydonda ustunlikni afzal ko‘raman, lekin shunday kunlar borki, hujumchilarimiz bilan bo‘sh joy yaratib, kamroq to‘pga ega bo‘lish yaxshiroq. Biz to‘p bilan yaxshi o‘ynaymiz va to‘psiz raqibga muammo berishda zo‘rmiz.
Shuni tan olish kerakki, shunday paytlar bo‘ladiki, to‘p nazoratini o‘z qo‘lingizga ololmaysan, raqibning xatolaridan foydalanish uchun himoyalanishga va qarshi hujumlarda harakat qilishga to‘g‘ri keladi. Zamonaviy futbol juda tez, o‘ylashga vaqt yo‘q, chunki raqiblar pressing qilishmoqda”, - dedi Kroos Icon jurnaliga bergan intervyusida.
