Мадриднинг “Реал” клуби ярим ҳимоячиси Тони Кроос мадридликлар жамоасининг рақиб ва майдондаги вазиятга қараб тактик мослашувчанлиги ҳақида гапирди.
"Биз турли йўллар билан рақибга мослаша оламиз. Мен тўпга эга бўлишни ва майдонда устунликни афзал кўраман, лекин шундай кунлар борки, ҳужумчиларимиз билан бўш жой яратиб, камроқ тўпга эга бўлиш яхшироқ. Биз тўп билан яхши ўйнаймиз ва тўпсиз рақибга муаммо беришда зўрмиз.
Шуни тан олиш керакки, шундай пайтлар бўладики, тўп назоратини ўз қўлингизга ололмайсан, рақибнинг хатоларидан фойдаланиш учун ҳимояланишга ва қарши ҳужумларда ҳаракат қилишга тўғри келади. Замонавий футбол жуда тез, ўйлашга вақт йўқ, чунки рақиблар прессинг қилишмоқда”, - деди Кроос Icon журналига берган интервьюсида.
