"Yuventus" "Manchester Siti" markaziy himoyachisi Emerik Laportni sotib olish zaruratidan shubhalanmoqda.
Turin klubi "shaharliklar"ning asosiy tarkibidagi o‘rnini yo‘qotgan 29 yoshli futbolchiga asosiy da’vogarlardan biri sanalmoqda. TuttoJuve xabariga ko‘ra, ingliz grandi Laport uchun 30 million yevro so‘rayapti va bu narx "keksa sinyora"ga unchalik ham to‘g‘ri kelmaydi. "Manchester Siti" talablarni kamaytirmasa, "Yuventus" ispaniyalik uchun kurashdan voz kechishi mumkin.
Transfermarkt ekspertlari Laportning narxini 25 million yevroga baholamoqda. O‘tgan mavsumda futbolchi Xosep Gvardiola jamoasining 24ta o‘yinida ishtirok etgan.